عراق لە روی یەدەگ تەڵا دە پلە لەبان ئاست جەهانی چییە نوا

شەفەق نیوز/ بانك ناوەندی عراق راگەیان، عراق 10 پلە چییەسە نواوە لە خشتەی ئەو وڵاتەیلە خاوەن فرەترین یەدەگ تەڵان و بویە خاوەن 130.39 تەن تەڵا. 

بانكەگە لە بەیاننامیگ سەنین بڕ نوویگ لە تەڵا ئاشكەراكرد ک نزیكەی 34 تەن و زیادبوینە وە بڕ 35% ئەوەگ لە وەرین خاوەنی بویە. 

لە بەیاننامەگە هاتییە، زیادكردنەگە لە چوارچمگ ستراتیژی بانك ناوەندیە ئەرا وەڕێەوەبردن سەروەت و سامانەیلی وە مەبەست وەدەسهاوردن بەرزترین ئاست سەقامگیری و توانای رویوەروی بوین ئاڵشتکاریەیل ئابووریی ناوەخوەیی و ناودەوڵەتییەیل. 

وە ئەو سەنینە نووە عراق چیەسە ریزبەند 30هەمین لەبان ئاست جەهان و چوارەم لەبان ئاست وڵاتەیل عەرەبی.