عراق قەیەغەی هاتووچگنەگە تا دوو هەفتەی تر دریژەو کەێد
شەفەق نیوز/ دەسەی باڵای سەڵامەتی نیشتمانی، ئمڕوو دووشەممە، بڕیار دریژکردن ماوەی قەیەغەی هاتووچگنەگە لە ریکارە تەندروسیە مقەیەتیەکان لەوەر بڵاوبوین ڤایڕۆس کۆڕۆنا لە عراق کرد.
ئەمینداریەتی گشتی ئەنجومەن وەزیران لە بەیاننامەیگ وت: ئی بڕیارە لەبان هەڵوێست پەتاگەی ئیسە هات، و ئەو نشانەیل رخبەرەیلە ک خەوەر لە زیایبوین تووشهاتنەکان و تووشە سەختەکان دەن، ک بەیاننامەیل پەتاگەی کۆڤید-١٩ نشان زیایبوین لە ژمارەی تووشهاتنەکان وخەفتن لە خەسەخانەیل دەن، و ئەرا مقەیەتیکردن سەڵامەتی ھاوڵاتیان، و لە بنەمای تەمەیل وەزارەت تەندروسی.
ودیاری کرد ک ئەوەسا قەیەغە گشتگیرەگە ئەرا رووژەیل جمعە و شەممە و یەکشەممە بوود، و لە ساعەت هەیشت ئیوارە تا ساعەت پەنج شەفەق ئەرا ئەو رووژەیل تر، لە رووژ ٢٠٢١/٣/٩ تا ٢٠٢١/٣/٢٢ ، وەگەرد دووپاتکردن لەبان تیمە تەندروسیەکان و هێزە ئەمنیەکان وەچەودیریکردن ریکارەیل ووسزادان پێشێلکارەکان وە سەختی.
