عراق کەفێدە وەر شەپوول فرە گەرمیگ تا چەن رووژیگ وەردەوامە
2024-08-14T10:20:42+00:00
شەفەق نیوز/ سادق عەتیە پسپۆر مەزەنەی کەشناسی، ئمڕوو چوارشەممە، مەزەنە کرد وڵاتەگە بکەفێدە وەر کاریگەری شەپوول گەرمی لە کۆتایی ئی هەفتە، تا پلەی گەرمی وەتایبەت لە ناوچەیل باشوور لە ٥٠ پلەی سەدی رەد بکەێد.
عەتیە لە پۆستیگ لەبان سۆشیال میدیا نویسان: وە پلەی گەرمییگ کە رەسێدە ناوەین ٥٠ تا ٥١ پلەی سەدی لە ناوچە و شارەیل باشوور وڵات، و کەمیگ کەمتر لەو شارەیل، مەزەنە کریەێد لە کۆتایی ئی هەفتە وڵاتەگە بکەفێدە وەر شەپوول گەرمی تا چەن رووژیگ وەردەوامە.
دیاری کرد کە لەوەر پارچەیگ لە قاتەیل بان کەشوهەوا کە واگە خڕ کەێد، و گەرمی لە بەرگەهەوا تا چەن رووژیگ گیر خوەێد.
عەتیە مەزەنە کرد کە شەپوولە بەرزەگە لە شارەیل باشوور و فورات ناوڕاس بوود.
وتیش: بەشیگ لە ناوچەیل وڵاتەگە وەتایبەت باشوور و باشوور خوەرئاوا، کەفتە گاریگەری ماوەیلیگ لە کپەوبوین جویلەی وار کە گەرمیەگە سەختەو کەێد.
