عراق پشت وە پەنجا هەزار تەن لە تەماتە بەسێد ئەرا نواگردن گرانی رەمەزان

حەمید نایف قسەکەر وەناو وەزارەتەگە ئەرا ئاژانس شەفەق نیوز وت: قتیەگە لە سەرەتای وەرزەگە نرخەیل تەماتە لە بازاڕە ناوخۆیەکان بەرزەو کرد، وتیش؛ جوولەیگ لەلایەن وەزارەت بازرگانی ئەرا چەودیریکردن بازاڕەگە هەس تا نرخەیل لە مانگ رەمەزان ئەرزانەو بکەێد.

وتیش؛ وەزارەتەگە هەمیش کار ئەرا ئەرزانکردن خا و مامر لەی رووژەیل ئایندە کەێد، و دیاری کرد ک ئەرکەیل وەزارەتەگە ئەوەسە ک بەرهەمەگە لەیەک لا زیایەو بکەێد و مقەیەتی بەرهەمەگە و هەمیش مقەیەتیکردن نرخەیل لەلاییگ تر.

نایف وتیش؛ وەگورەی بڕیار ئەنجومەن وەزیران وازکردن هاوردەی تەماتە وە بڕ ٥٠ هەزار تەن لەماوەی مانگ رەمەزان تا یەک ئایار ئایندە، و دووپات کرد ک لە مانگ ئایندە تەماتەی نەجەف و کەربەلا رەسێد و کەفێدە بازاڕ.