عراق راگەینێد زیاتر لە ٤٦٠٠ تووشهاتن نوو وە کۆڕۆنا
2021-03-09T13:30:48+00:00
شەفەق نیوز/ تاقێگە پزشکیەکان لە عراق لە دویاترین ٢٤ ساعەت، زیاتر لە ٤٦٠٠ تووشهاتن نوو وە ڤایڕۆس کۆڕۆنا لە گشت ناوچە وشارەگان وڵاتەگە تۆمار کردن، تا گشت ژمارەگە بڕەسێدە ٧٣٥٦٢٦.
وەزارەتەگە لەبەیانامەیگ رەسیە ئاژانس شەفەق نیوز وت: ٣٦٩٢ کەس لە پەتاگە خاسەو بوین، تا گشت ژمارەی خاسەوبویەکان بڕەسێدە ٦٦٨١٥٣.
هەمیش ٢٢ تووشهاتگ لەوەر پەتاگە لە ماوەی ٢٤ ساعەت گوزەیشتە مردن، تا گشت ژمارەی مردنەکان بوودە ١٣٦١٨.
