عراق ٨٠٠ خیزان لە هۆل سوریا تیارێدە جەدعەی نەینەوا
شەفەق نیوز/ شێروان دوبردانی ئەندام ئەنجومەن نۊنەرەیل لە پارێزگای نەینەوا، ئمڕوو چوارشەممە، ئاشکرا کرد ک ئەوەسا حکومەت فیدراڵی ٨٠٠ خیزان لە کامپ هۆل سوریا تیارێدە کامپ جەدعەی عراق.
دوبردانی ئەرا ئاژانس شەفەق نیوز وت " دەسەی ئەمنی و دەسەی کووچ و کووچبەرەیل لە ئەنجومەن نۊنەرەیل، ئمڕوو رەسینە کامپ هۆل لە سوريا ئەرا تەواوکردن ریکارەیل هاوردن کاروانەیل گلەوخواردن ئەرا عراقیەیل ئەولا.
وتیش: ئەوەسا ٨٠٠ خیزان توومار کریەن و ئامادەیان کریەن وەشیوەی چینەیلیگ پشتاوپشت، و دیاری کرد ک ئەوەسا گشت ئەو خیزان و تاکەیلە لەولا گلەو دەن، بیجگە ئەوانەگ خوەیان نێخوازن بانە عراق.
ئەندام ئەنجومەن نۊنەرەیل جەخت کرد ک هەرکە نشانەیلیگ ئەمنی یا داواکردن لەبانی بوود ئەوەسا ریکارەیل یاسایی وەگەردی بریەێد، وتیش: ئەوەسا خیزانەیلە ئەرا کامپ جەدعە لە باشوور شار مووسڵ تیارن، چۊنکە ئەوە شۊن وەرگردنە ئەرا خیزانەیل کامپ هۆل.
