عراق بڵاوبوین فراوانیگ لە بنچینە نووەگەی کۆڕۆنا نشانە کەێد
2021-02-18T10:07:02+00:00
شەفەق نیوز/ حەسەن تمیمی وەزیر تەندروسی وژینگەی عراق، ئمڕوو پەنجشەممە، راگەیان بڵاوبوین زوینەیگ ئەرا بنچینە نووەگەی ڤایڕۆس کۆڕۆنا لەماوەی سێ رووژ گوزەیشتە.
تمیمی لە کۆنگرەیگ رۆژنامەوانی ئاژانس شەفەق نیوز چەودیریی کرد وت: زیاتر لە پەنجا لە سەد لەو تووشهاتنەیلە ک لە دامەزراوەیل وەزارت تەندروسی تۆمار کریەن، خوەیان لە بنچینە نووەگەی ڤایڕۆسەگەن.
و ئاماژە کرد لە تۆمارکردن تووشهاتنەیل سەختیگ لەناونی مناڵ و گەنجەبل، و ئەیە نوقڵانەی مەترسی گەورایگ دەێد، وەتایبەت لە دویای زیایبوین تووشهاتنە سەخت ودەسپاچەگان و هەمیش رێژەی وەناهاوتن ئەرا خەسەخانەگان، و ئەیە جەخت گەورایگ خەێدە بان دامەزراوە تەندروسیەگان.
وەزیر تەندروسی بانگواز کرد ئەرا دویرەوکەفتن لە جوولەی ناونی ناوچەگان، و جەخت کرد لە جیوەجیکردن چەسپانن باج لەبان پێشێلکارەیل بڕیارەیل دەسەی باڵا.
