کەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەی ناوڕاس نیمچە ئەورە تا ئەور تەواوە، وەگەرد پرشە وارانیگ لە شوینەیلیگ جیاجیا، و لە ناوچەی باکوور نیمچە ئەورە وەگەرد واران، و ئەو تریشقە، و دەرفەت وەفر وارین لە بەشە کویەیلەیل، و لە ناوچەی باشوور نیمچە ئەورە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە ناوچەی باکوور چەن پلەیگ نزمەو بوود.
وتیش؛ رووژ پەنجشەممە، لە ناوچەی ناوڕاس نیمچە ئەورە تا ئەور تەواوە وەگەرد واران و بەڵاچە لە چەن شوینیگ، و لە ناوچەی باکوور نیمچە ئەورە وەگەرد نمە وارانیگ، و لە ناوچەی باشوور نیمچە ئەورە، و پلەی گەرمی لە ناوچەی ناوڕاس چەن پلەیگ نزمەو بوود، و لە ناوچەی باکوور و باشوور نزیک رووژ وەرجە خوەیە.
دیاری کرد کە رووژ جمعە، لە گشت وڵاتەگە نیمچە ئەورە و پلەی گەرمی نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ شەممەی ئایندە، لە ناوچەی ناوڕاس ئەورە وەگەرد دەرفەت نمە وارانیگ، و لە ناوچەی باکوور ئەورە وەگەرد نمە وارانیگ، و لە ناوچەی باشوور نیمچە ئەورە، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەی باکوور و باشوور نزیک رووژ وەرجە خوەیە.
