کەشوهەوایگ شەکەتکەر روی لە عراق کەێد و تا کوتایی ئێ مانگە وەردەوامە

زیادی ئەرا شەفەق نیوز دیاریکرد، کەشوهەوای سوو دووشەممە، وە هەمان شیوەس، وەگەرد کەمیگ کەمترەوبوین وای باکوور.

وتیش، مەزەنەکرێد وڵاتەگە لەرووژ سێشەممە و چوارشەممەی ئایندە ئاڵشتبوینیگ ئەرێنی بوینێد لە کەشوهەوا، وە رەدبوین بارستە وایگ کە هەڵگر چالاکی وای باکوورە فرە جار لە وەخت نیمەڕوان، و یەیش بەشداربوود لە کەمەوکردن پەستان کەشوهەوا و بارودۆخ چام، هەرچەنە پلەی گەرمی بەرزەوبوود.

زیادی مەزەنەکەێد، شارەیلە رویوەروی شەپوولیگ گەرمی چامیگ بوون لە رووژ پەنجشەممە، 22ی ئاب، تا سێ رووژ وەردەوام بوود، هیلد کەشوهەوا گەرم و شەکەتکەر بوود لەوەر هەبوین وا.

ئاشکەرایکرد، لە کۆتایی ئێ مانگە کەشوهەوا ئەرا بارودۆخ سروشتی گلەوخوەێد.