کەشناسی.. عراق لە ترشەواران دویرە

شەفەق نیوز/ وەزارەت ژینگەی عراق، ئمڕوو سێشەممە، راگەیان وارین ترشە واران لە ماوەی ئایندە دویرە.

وەزارەتەگە لە بەیاننامەیگ رەسیە ئاژانس شەفەق نیوز ئاشکرایکرد، هویچ مەزەنەیگ نییە ئرا ترشە واران وارین لە ماوەی ئایندە، وتیش، تەنانەت لە پسایگ واران ترش لەناو پێکهاتەی بوود، هویچ مەترسیگ راستەوخوەی وەبان تەندروسی ئایەم نەیرێد.

وەزارەتەگە وتیش؛ چەن کاریگەریگ ژینگەیی دیرێد کە کەرت کشاوەرزی گرێدەو، وەبی ئەوەی هەڕەشەی گەپیگ وەبان تەندروسی بیاشتوود.

لە گوزەشتە دەسەی گشتی کەشناسی عراق هووشداریدا لە وارین "ترشە واران" لە سەرانسەر عراق و لە بەغداد وە تایوەت، وە مدوو پیسبوین کەشوهەوا لە ئێ ماوەی کۆتاییە.