سودانی کوشیان "والی عراق" و هەشت لە سەرکردەیل داعش وە گورزیگ ئاسمانی راگەینێد

شەفەق نیوز/ محمد شیاع سودانی سەرۆک وەزیرەیل فەرماندەی گشتی هیزە چەکدارەیل، ئمڕوو سێشەممە، کوشیان والی عراق و ٨ لە گەورە سەرکردەیل داعش لە کویەیل حەمرین لە سەڵاحەدین راگەیان.

سودانی لە پۆستیگ لەبان ماڵپەڕ ئێکس نویسان: دووپات کەیمن کە شوین ئەرا تیرۆریستەیل لەناو عراق نییە، و ئەوەسا ئەرا ناو حەشارگەیلیان کەفیمنە شوینیان و لەناویان دەیمن، تا زەوی عراق لە خوەیان و کردەوەیل تاوانییان پاکەو بوود.

سودانی وتیش: ئی ئۆپراسیۆن پاڵەوانی چوینیەتیە وەلایەن دەزگای دژە تیرۆر و ئاسایش نیشتمانی جیوەجی کریا، وە سەرپەرشتی ئۆپراسیۆنەیل هاوبەش، کە کونایل تیرۆر کە لەناوی خوەیان شارنەو کردنە ئامانج.

لەلای خوەییش، فەرماندەیی ئۆپراسیۆنەیل هاوبەش لە بەیاننامەیگ وت: ئۆپراسیۆنەگە وە پاڵپشتیکردن هونەری و زانیارەیل هەواڵی هویرد وەلایەن هیزەیل هاوپەیمان ناودەوڵەتی شەفەق ئمڕوو جیوەجی کریا، دیاری کرد کە ٩ تیرۆرست کوشیانر لەناویان والی عراق تاوانکار 

 (جاسم مەزروعي ئەبو عبد القادر) سەرکردەیلیگ لە کڕ یەکەم داعش بوین، کە دویای وەشکین  (DNA) ناوەیلیان ئاشکرا کەیمن.

بەیاننامەگە وتیش: دەسنریا وەبان بڕەیل کەورەیگ لە چەک و تەقەمەنی و ئامراز لە ٨ دیوەخان ئەو بانکەیل شکستخوەرە.