زانیاری نوو لە رویداو رمیان قەواسەی ماڵیگ لە بەسرە.. دوو ماڵ رمیاگە
2024-05-15T10:50:04+00:00
شەفەق نیوز/ سەرچەوەیگ ئەمنی، ئمڕوو چوارشەممە، ئاشکرای زانیاریەیل نوویگ لە ئامار و شیوەی رویداو رمیان قەواسەی ماڵیگ لە پارێزگای بەسرە، و خەوەرەیلیگ جیاجیا لە هوکار ئەو تەقینەوە رەسین کە بویە هوکار رمیان دوو ماڵ و کوشیان سێ مناڵ و زەخمداری سێیان ترەک.
سەرچەوەگە ئەرا ئاژانس شەفەق نیوز وت: بە ساعەت ١١ نزیک تەقیان بوتڵیگ گاز لە ناوچەی نەجیبیە، بویە هوکار کوشیان دویەتیگ ١٥ ساڵان وەناو روقەیە، و زەخمداری حسێن برای لە تەمەن ١٣ ساڵان، و فاتمەی خوەشکی لە تەمەن ١٨ ساڵان.
هەمیش خەوەردا لە کوشیان دویەتیگ لەتەمەن ١٢ساڵان وەناو حەورا، و دویەتیگ وەناو بەنین لە تەمەن ٤ ساڵان، و زەخمداری کوڕیگ وەناو حەیدەر لە تەمەن ٧ ساڵان.
