زەخمداربوین ١٥ کەس لە ئاهەنگەیل سەر ساڵ لە دیالە
2021-01-01T08:19:37+00:00
شەفەق نیوز/ سەرچەوەیگ پزشکی لە دیالە، رووژ جمعە، خەوەردا لە زەخمداربوین ١٥ کەس لە جووراجور رووادوەیل هاتووچو لە پارێزگاگە، لە ماوەی ئاهەنگەیل سەر ساڵ.
سەرچەوەگە ئەرا ئاژانس شەفەق نیوز وت: خەسەخانەیل دیالە کادرەیلیان گورجەو کردن ئەرا وەرگردن ١٥ زەخمدار لە رووداوەیل هاتووچو ئەرا ماشینەیل و ماتووڕسکڵەیل لە ئاهەنگەیل سەر ساڵ نوو.
سەرچەوەگە دیاریکرد ک گشت زەخمدارەگان چارەسەری کریان وەبی مەترسیداری.
دوێەشەو دیالە وەبۆنی سەر ساڵ نوو، ئاهەنگەیلیگ وەخوەی دی گشت کەرتە ئیداریەگان گردەو، وەگەرد تەقەی فرەیگ لە گولە و ئاگربازیەگان.
