زەخمداری دوو کەس و پەلاماریگ چەکدار لەبان پەرستگای سابیئی لە باشوور عراق
2024-03-09T07:14:28+00:00
شەفەق نیوز/ ئوسامە بەدری سەرۆک فراکسیۆن سابیئەی مەندائی، ئمڕوو شەممە، وت: پەرستگای سابیئی مەندائی(مەندی) لە پارێزگای میسان، کەفتە وەر پەلاماریگ نادیار.
بەدری لە بەیاننامەیگ رەسیە ئاژانس شەفەق نیوز وت: ئەو پەلامار خویڕیانە کە مەندی سابیئی مەندائی لە میسان کەفتە وەری، و رەسیە زەخمداری دووان لە پاسەوانەیل پەرستگاگە، و ئیرنگە لە خەسەخانە خەفتنە.
هەمیش داوا لە فەرماندەیل ئەمنی لە پارێزگای میسان کرد لێکۆڵینەوەی زویوەزی لە باوەتەگە بکەن و ئاشکرای تاوانکارەیل بکەن و سزایان بیەن.
