ريکردن لە گەنجیگ عراقی لە چزداین دوێەتیگ عەرەوی لەناو پۆبجی ناسیەسەی
شەفەق نیوز/ پۆلیس کۆمەڵایەتی لە پارێزگای زیقار، ئمڕوو پەنجشەممە، راگەیان ریگردن لە چزدانیگ لەلایەن کەسیگ دژوە دوێەتیگ لە دەوڵەتیگ عەرەوی، لەناو بازی ئەلیکتڕۆنی پۆبجی ناسیەسەی.
پۆلیس کۆمەڵایەتی لە بەیاننامەیگ وت ک مەفرەزەگانی لەڕی تیمیگ ئامادەکریاگ دژوە چزداین ئەلیکتڕۆنی سەروە فەرمانگەی پەیوەندیەگان و راگەیانن لە وەزارەت ناوخۆ، وەهەماهەنگی وەگەرد دەزگای ئەمن نیشتمانی لە ناسریە، توێنستن ریگری لە چزدانیگ بكەن لەلایەن کەسیگ لە پارێزگاگە دژوە دوێەتیگ لە دەوڵەتیگ عەرەوی لەناو بازی پۆبجی ناسیەسەی، و هەڕەشەی وە بڵاوکردن وێنەیل تایبەتی لەبان ماڵپەڕەیل پەیوەندیە کۆمەڵایەتیەگان داگە، ئەگەر پویل ئەرای هەواڵە نەکەێد.
بەیاننامەگە وتیش؛ شناسنامە وشوون چزدەرەگە دیاری کریا، و ریکارە یاساییەگان وەدژی بریان، دویای سڕینەوەی وێنەگان.
جی باسە ک دویای داواکارییگ لەلایەن ژنیگ عەرەوی ک لەبان ماڵپەڕ پۆلیس کۆمەڵایەتی لەبان فەیسبووک باس کردگە ک کەفتیەسە وەر چزداین ئەلیکتڕۆنی لەلایەن هاووڵاتییگ عراقی، ئەو ریگریە ئەنجام دریا.
