ئۆپراسیۆنەیل نەینەوا ئامار نوویگ لە قوربانیەیل هۆل ئاهەنگەگەی حەمدانیە راگەیان
2023-09-27T07:43:38+00:00
شەفەق نیوز/ فەرماندەیی ئۆپراسیۆنەیل پارێزگای نەینەوا، ئمڕوو چوارشەممە، مردن و زەخمداری بوین زیاتر لە 200 کەس راگەیان لەئەنجام رویداو ئاگرەگەی ناو هۆڵ ئاهەنگ سویر لە قەزای حەمدانیە خوەرهەڵات شار مووسڵ، دیاریکرد دەیان زەخمداربوی ئەرا خەسخانەیل هەرێم کوردستان کلکریانە.
فەرماندەی ئۆپراسیۆنەیل لیوای روکن عەبدوڵا رەمەزان جبوری لە لێدوانیگ ئمڕوو ئەرا رووژنامەوانەیل وت، ئامار رویداوەگە - وەپای ئەوەگ وەپیمان رەسیە - رەسیە ئەرا 87 قوربانی و 136 زەخمدار جویراوجویر.
وتیش 15 زەخمدار ئەرا پارێزگای هەولێر بریان، و 20 ترەک ئەرا دهۆک دیاریکرد، 101 ئیرنگە هانە خەسخانەی شار مووسڵ.
وتیش، حکومەت فیدراڵی وە سەرۆکایەتی سەرۆک ئەنجومەن وەزیرەیل محەمەد شیاع سودانی گشت جویرەیل پاڵپشتییگ ئەرا حەمدانیە پێشکەش کەێد، هەمیش سودانی لە پەیوەنییگ تەلەفۆنی راگەیان لێکۆڵینەوە لە رویداوەگە کەێد وەگەرد سەردانیکردن زەخمدارەیل.
