ئەرا دوویەم رووژ.. فرووشتنەیل بانک ناوەندی عراقی داوەزین تۆمار کەن

شەفەق نیوز/فرووشتنەیل بانک ناوەندی عراقی لە پارەی گران، ئمڕوو سێشەممە،  ئەرا دوویەم رووژ داوەزین  وەرێژەی ٣١ لەسەد تۆمار کرد، تا بڕەسێدە ٤٨ مەلیۆن دۆلار. 

پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن وسەنین پارە بیگانەکان ئمڕوو، داوەزین لە فرووشتنەکانی وەڕێژەی ٣١،٥٣٪ وەخوەی دی، تا بڕەسێدە ٤٨ مەلیۆن و ٦٧ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە دووشەممە ک فرووشتنەکانی رەسیە ٧٠ مەلیۆن و ١٩٨ هەزار دۆلار.

وتیش؛ گشت فرووشتنەکان ئەرا پاڵپشتی بنمایەگان لە دەیشت وەشیوەی هەواڵە و چەک چگن، وهیچیگ وە شیوەی کاش نەسەنیا.

پەیامنێرەگەمان ئاماژە کرد ک ١٠ بانک  داواکاریەیل پاڵپشتی بنمایەکان لە دەیشت جیوەجی کردن.