ئەرا دویەم جارە وە هەفتەیگ.. نرخ ١٠٠ دۆلار ئەمریکی تیەێدە خوار ١٤٨ هەزار دینار

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بۆرسەی سەرەکی بەغداد پایتەخت داوەزیا.

پەیامنێر ئاژانس شەفەق نيوز وت: نرخ دۆلار ئەمریکی لە بۆرسەی کیفاح و حارسیە لە بەغداد پایتەخت، نیمەڕو ئمڕوو، رەسیە ١٤٧٩٥٠ دینار عراقی وەرانوەر ١٠٠ دۆلار ئەمریکی، و دیاری کرد ک نرخ ١٠٠ دۆلار، شەوەکی ئمڕوو، رەسیە ١٤٨٠٥٠ دینار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار عراقی.

بۆرسەی ناوەندی لە بەغداد،  رووژ دووشەممەی گوزەشتە، خود نرخ دۆلار توومار کرد، ک ئەوە یەکەم جار بوی لە مانگەیل درویژیگ.