دویای رەدکردن بوودجەگە.. هەلقوڵانیگ لە نرخ دۆلار لە بەغداد و کوردستان
2021-04-01T07:02:53+00:00
دویای رەدکردن بوودجەگە.. هەلقوڵانیگ لە نرخ دۆلار لە بەغداد و کوردستان
شەفەق نیوز/ ئمڕوو پەنجشەممە، نرخ دۆلار لە بۆرسەی سەرەکی لە بەغداد و لە هەرێم کوردستان بەرزەو بوی، ئەوەیش دویای یەک رووژ لە رەدکردن بوودجەگە و چەسپانن نرخ دۆلار لەپای ١٤٥٠ دینار.
پەیامنێر ئاژانس شەفەق نیوز وت: بۆرسەی ناوەندی کیفاح لە بەغداد ١٤٦٤٠٠ دینار وەرانوەر ١٠٠ دۆلار ئەمریکی تۆمار کرد، و بۆرسەی حارسیە ١٤٦٤٠٠ دینار عراقی وەرانوەر ١٠٠ دۆلار ئەمریکی تۆمار کرد.
دوێەکە چوارشەممە بۆرسەی کیفاح ١٤٥٧٥٠ دینار عراقی تۆمار کرد.
پەیمانێرەگەمان ئاماژە کرد ک نرخ فرووشتن لە دوکانەیل ئاڵشتکردنەکان لە بازاڕە ناوخۆیەکان لە بەغداد بەرزەو بوی، ک نرخ فرووشتن رەسیە ١٤٦٧٥٠ دینار عراقی، و نرخ سەنین رەسیە ١٤٥٧٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٦٥٠٠ وەرانوەر ١٠٠ دۆلار ئەمریکی و نرخ سەنین رەسیە ١٤٦٠٠٠ دینار وەرانوەر ١٠٠ دۆلار ئەمریکی.
