ده‌ورگرد ته‌ياره‌خانه‌ى به‌غدا وه كاتيوشا بۆردومان كريا
2020-05-06T11:18:19+00:00
شه‌فه‌ق نيوز/ شانه‌ى ره‌سانن ئه‌منى، ئاشكراى ئه‌وه كرد ك بۆردومانيگ ده‌ورگرد ته‌ياره‌خانه‌ى ناوده‌وڵه‌تى به‌غدا كرده‌سه ئامانج وه‌بى كه‌فتنه‌وه‌ى هويچ زه‌ره‌د و زيانيگ.
له‌ى باوه‌ته‌و، شانه‌ى ره‌سانن ئه‌منى له به‌ياننامه‌يگ ك شه‌فه‌ق نيوز ئاگادار بوێ، وت: ده‌مه‌و شه‌وه‌كى ئمڕوو له وه‌ختيگ زوێ، سێ مووچه‌ك كاتيوشا له ده‌ورگرد ته‌ياره‌خانه‌ى ناوده‌وڵه‌تى كه‌فتنه‌سه خوار.
باس له‌وه‌يش كرد هيزه‌يل ئه‌منى ئه‌و شوونه زانستنه ك ئه‌و مووشه‌كه‌يله له‌ليه‌و وه‌شريانه له ناوچه‌ى به‌كريه له خوه‌رئاواى به‌غداى پايته‌خت، وه‌بى باسكردن زه‌ره‌ده‌يل ئه‌و بۆردومانكردنه.
