دزیکردن "سێکرت" کارەبا لە ناوچەیلیگ لە زیقار بڕێد

شەفەق نیوز/ سەرچەوەیگ لە قەزای شەترە باکوور پارێزگای زیقار، ئمڕوو یەکشەممە، خەوەردا یەکیگ لە سێرکتەیل کارەبا لە قەزاگە کەفتە وەر دزی.

سەرچەوەگە ئەرا ئاژانس شەفەق نیوز وت: کەسەیلیگ نەناسریاگ سێرکت "٣٣ کەی ڤی" لە ویستگەی شەبعاد لە قەزای شەترە باکوور پارێزگای زیقار دزینە.

سەرچەوەگە دیاری کرد ک ئی کردەویل تاوانیە لە قەزاگە کەم بوون، و دووپات کرد ک ئەو دزیکردنە  کارەبا لە فرەی ناوچەیل بڕێد.

هەرلیوا، "نافوورەی" نوویگ وەی دویاییە خریاسە کار لە قەزای سوق شیوخ باشوور پارێزگای زیقار  کەفتە وەر خراوکردن.

ئەحمەد عبێد ئەندازیار نیشتەجی پڕۆژەگە لە بەیاننامەیگ وت: ئەو زەرەدەیلە ک وەپی رەسینە وەیجویرەس: دزیکردن دوو نۆزڵ، و خراوکردن لە ئامیرەگە، و مەلەوانی لەناو گوڵەم نافوورەگە تا وەخت دیریگ لە شەوان، وەکارهاوردن ئاوەگەی ئەرا شووردن تایەر ماشین وتوکتوک.