داوەزین نرخ دۆلار لە بەغدا و بەرزەوبۊینی لە هەولێر
2022-01-16T07:33:02+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت داوەزی، و لە هەرێم کوردستان بەرزەوبۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 148100 دینار عێراقی وەرانوەر 100 دۆلار ئەمریکی توومار کردن.
دۊێکە شەممە، نرخ دۆلار رەسیە 148200 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جۊر خوەی مەنییە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی، و نرخ سەنینی رەسیە 147500 دینارعێراقی .
لەهەوڵیر پایتەخت کوردستانیش نڕخ دۆلار بەرزەوبۊین وە خوەی دی، نڕخ فروشتنی رەسیە 148350 عێراقی وەراوەر 100 دۆڵار ئەمریکی، و نڕخ سەنینی رەسیە 148100 عێراقی وەرانوەر 100 دوۆلار ئەمریکی.
