داوەزیان نرخ دۆلار وەگەرد بەسیان بۆرسەی بەغداد و هەولێر
2023-09-27T14:17:57+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد پایتەخت، لەبان نرخ ١٥٥٧٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٥٦٢٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن ١٠٠ دۆلار ئەمریکی رەسیە ١٥٦٥٠٠ دینار عراقی، و نرخ سەنینی رەسیە ١٥٤٥٠٠ دینار عراقی.
لە هەولێر پایتەخت هەرێم کوردستان، نرخ دۆلار ئەمریکی وەگەرد بەسیان بۆرسە داوەزیان کەمیگ توومار کرد، کە نرخ فرووشتن ١٠٠ دۆلار ئەمریکی رەسیە ١٥٥١٠٠ دینار عراقی، و نرخ سەنینی رەسیە ١٥٥٠٠٠ دینار عراقی.
