داوەزیان کەمیگ نرخ دۆلار لە بەغداد و هەولێر
2024-05-13T07:46:08+00:00
شەفەق نیوز/ نرخ دۆلار ئەمریکی وەرانەور دینار عراقی، شەوەکی ئمڕوو دووشەممەر لە بۆرسەی سەرەکی بەغداد پایتەختر و لە هەولێر پایتەخت هەرێم کوردستان، وەشیوەی کەمیگ داوەزیا.
پەیامنێر ئاژانس شەفەق نیوز وت: نرخ دۆلار ئەمریکی وەرانەور دینار عراقی لە بۆرسەی سەرەکی کیفاح و حارسیە لە بەغدای پایتەخت، رەسیە 145600 دينار عراقی وەرانەور 100 دۆلار ئەمریکی.
دویەکە یەکشەممە، نرخ 100 دۆلار ئەمریکی رەسیە 146700 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن 100 دۆلار ئەمریکی رەسیە 146750 دينار عراقی، و نرخ سەنینی رەسیە 144750 دينار عراقی.
لە هەولێر پایتەخت هەرێم کوردستان، نرخ دۆلار هەمیش داوەزیان توومار کرد، کە نرخ فرووشتن 100 دۆلار ئەمریکی رەسیە 145600 دينار عراقی، و نرخ سەنینی رەسیە 145500 دينار عراقی.
