دارایی پەرلەمان: پەرلەمان نێەتویەنێد ناچار بانک ناوەندی وە ئاڵشتکردن نرخ دۆلار بکەێد
2020-12-20T08:08:10+00:00
شەفەق نیوز/ دەسەی دارایی لە پەرلەمان عراق، ئمڕوو یەکشەممە، دووپاتکرد ک ئەنجومەن نوێنەرەیل توانای ناچارکردن بانک ناوەندی لەبان ئاڵشتکردن بڕیار خەرج پویل بیگانە وەرانوەر دینار عراقی نەیرێد.
ماجدە تمیمی ئەندام دەسەگە ئەرا ئاژانس شەفەق نیوز وت: بانک ناوەندی خاوەن سیاسەتەیل خوەیە و خوەی لە سیاسەتە پویلیەگە لە عراق وەرپرسە، بەڵکم وەزارەت دارایی خوەی وەرپرسە لە سیاسەت دارایی لە وڵاتەگە.
وتیش؛ هەنای بانک ناوەندی نرخ خەرجەگە دیاری کەێد یا ئاڵشتی کەێد دی پەرلەمان توانای راسەوکردن نرخەگە نەیرێد، و دووپاتکرد ک بڕیار دویایین وە ئاڵشتکردن و دیاریکردن نرخ پویلە بیگانەگە وەرانوەر دینار عراقی هاوە دەس پارێزگار بانکەگە.
تمیمی وتیش؛ ئەنجومەن نۆێنەران وەگورەی یاسا نێەتویەنێد ناچار بانک ناوەندی وە ئاڵشتکردن بڕیارەگەی لە باوەت خەرج پویلەگە بکەێد.
