دادگای عراقی سزای لە سێدارەدان ئەرا بازرگانیگ مادەی هووشبەر ناودەوڵەتی دەرکرد

دەسەگە ئمڕوو لە بەیانامەیگ راگەیان، لەدویای ئەوەگ وەڕێوەبەرایەتی لێکۆڵینە و  وەرگیری ئاسایش لە وەڕێوەبەرایەتی گشتی ئاسایش دەسەی حەشد شەعبی وەدویاچگن کردنە ئەرا کاغەز بازرگانیکردن بازرگانیگ ناودەوڵەتی مادەی هووشبەر، لەدویای وەرگردن رەزامەنی فەرمی لە دادوەر تایوەت وەتەقەڵای ئەمنی وەڕێوەبەرایەتی لێکۆڵینەوەگان جموجویلەیل زیندانیەگە توومارکردنە و دەسگیرکردنە، هەمیش بڕیگ فرە لەمادەی حەشیش پەیاکردنە ئامادەکریابوی ئەرا فروشتنی لەناو عراق لەدویای ئەوەگ لە دەێشت عراق هاوردە کریاوێد.

لە بەیاننامەگە وتیش، زیندانیەگە پەیوەنی دیرێد وەگەرد تووڕیگ ناودەوڵەتیبازرگانیکردن وە مادەی تلیاق هاوردەی عراقی کردنە لەری دەروازەی سنووری وڵاتیگ هاوسای عراق.

وەزارەت ناوخوەی عراق، لە کۆتایی ساڵ وەرین راگەیان، زیاتر لە 7 هەزار سزا ئەرا زیندانیەیل دەرکردیە وە تاوانەیل پەیوەنیدار وە بازرگانیکردن و کیشان و بڵاوکردن مادەی هووشبەر لەساڵ 2023.