دەسگیرکردن رانندەی تاکسیگ لە بەغدا تاڵان ژنیگ کەێد کە وە کرای گردیەسەی

وەڕیوبەرایەتەگە هویردەکاری رویداوەگە لە بەیاننامەیگ باس کرد و راگەیان، " هەنای رەسێدە ناوچەی خێرای دۆرە لە شوینیگ تیەریک و چوول وسێد و دادکەرەگە داوەزنێد و مۆبایلی دزێد وەگەرد ئکسیسوار و تەڵای و بڕیگ پویل و دەسدرویژی کەێدەبانی وە لێدان و لەو شوینە وەجی هیلێد و وادن.

ئاشکەرای کرد، "ئۆئپراسیۆن دەسگیرکردنەگەی دوای ئەوە بوی کە دادکەرەگە داوا لە مەفرەزەیل نویسینگەی دژە تاوانەیل دۆرە کەێد کە رویوەروی دزی بویە وەلایەن رانندەی تاکسیگ لە ساعەت دەی شەو لەو ناوچەی ناوبریاگە، لەوەر گرنگی باوەتەگە دەسوەجی تیمیگ کارکردن ئەرا وەدویاچگن رویداوەگە دروسکریا".

وەڕیوبەرایەتیەگە دیاریکرد توەنستنە "بڕەسن وە توومەتبارەگە و دەسگیری بکەن لەناوچەی ئۆرفەلی  و دەسنریا وەبان ماشینەگەی کە لەمەوقەی رویداوەگە وەکاریهاوردوی" ، وتیش دەسکردنە وە لێکۆڵینەوە وەگەردی دان وە دروستی رویداوەگە دانایە کە دزی و دەسدرویژی وەبان دادکەرەگە کردیە.

وەپای دان وەپینانە سەرەتایەگان و بڕیار دادوەر لێکۆڵەر وەپای مادەی 442 لە یاسای سزادان زیندانی کریەد.