خيزانيگ عراقى له ئيتاڵيا تويش ڤايرۆس كۆرۆنا هاتن
2020-03-25T08:59:30+00:00
شه‌فه‌ق نيوز/ باڵيۆزخانه‌ى عراق له ئيتاڵيا، ئاشكراى تۆماركردن يه‌كه‌م تويشهاتن وه ڤايرۆس كۆرۆنا كرد ئه‌را خيزانيگ عراقى له‌و وڵاته.
له‌ى باوه‌ه‌و، باڵيۆزخانه‌گه له به‌ياننامه‌يگ ئه‌وه ده‌رخست ك يه‌كه‌م تويشهاتن وه ڤايرۆس كۆرۆنا ئه‌را په‌نابه‌ره‌يل عراقى له ئيتاڵيا تۆمار كرياگه‌و خيزانيگن ك پيكهاتنه له 6 كه‌س له شار بولزانۆ له باكوور وڵاته‌گه.
جى باسه، باڵيۆزخانه‌گه باس له‌وه‌يش كرد وه گووره‌ى توانا چه‌وديرى حاڵه‌ت ئه‌و خيزانه ئه‌كه‌ن له كه‌ره‌نتينه له‌وه‌ر ده‌سه‌وه‌ركردن هه‌وه‌جه‌يليان و ئاماژه وه‌يه‌يش كرد ئيشه حاڵه‌تيان جيگيره.
