خوەیکوشتن گەنجیگ بیس ساڵان و پەیاکردن تەرم مناڵیگ لە دوو شار عراقی
2020-12-18T13:24:49+00:00
شەفەق نیوز/ سەرچەوەیگ ئەمنی، ئمڕوو جمعە، خەوەردا لە خوەیکوشتن گەنجیگ بیس ساڵان لە دیالە لەوەر ناکۆکەیلیگ خیزانی، و هەمیش تەرم کوورپەیگ لە خوەرهەڵات شارەگە دینەو.
سەرچەوەگە ئەرا ئاژانس شەفەق نیوز وت: گەنجیگ بیس ساڵانە لە قەزای خاڵس لە پارێزگای دیالە، لەوەر ناکۆکەیلیگ خیزانی وە دەوانچە داگە لە سەر خوەی و خوەی کوشتگە.
سەرچەوەگە وتیش؛ تەرم گەنجەگە ئەرا پزشک دادوەری بریا، و دەزگا ئەمنیەگان لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو.
لەلاییگ تر، سەرچەوەیگ ئەمنی لە پارێزگای نەینەوا، خەوردار ئاژانس شەفەق نیوز ک دەوریەیل پۆلیس ناوخۆیی تەرم مناڵ کوورپەیگ دینەور فڕەی دریاگەسە کنار ریەگەی مووسڵ- تەلەعفەر، و داگەی دەس پزشک دادوەری لە مووسڵ، وەبی باسکردن لە ووردەکاریەگان.
