خانەقین وەرگردن واکسین کۆڕۆنا و داوەزین مردن و تۊشهاتنەیل توومار کەێد
شەفەق نیوز/ کەرت تەندروسی لە شار خانەقین، ئمڕوو یەکشەممە، دووپات کرد لە هاتن گەورەیگ لەبان وەرگردن واکسین کۆڕۆنا، و داوەزین ئاست تۊشهاتن و مردنەیل وە ڤایرۆسەگە.
سەرمەد بەیاتی وەڕیەوبەر کەرتەگە ئەرا ئاژانس شەفەق نیوز وت: بەرزەوبۊن هوشیاری تەندروسی و زەرەدەیل تەندروسی لە سێیەم شەپۆل کۆڕۆنا، ئاست هاتن ئەرا وەرگردن واکسین کۆڕۆنا وە رێژەی ٨٠% بەرزەو بۊی.
وتیش؛ وەرگردنە فرەگە لەبان واکسین فایزەر ئەمریکی بۊی لەوەر گورجیە خاسەگەی وە بەراوردی وەرد ئەو واکسینەیلە، و داوا لە خەڵکەگە کرد واکسینەگە وەربگرن، و مقەیەتی خوەیان لە تۊشهاتن و کاریگەری تەندروسی رخبەرەگە بکەنم بەیاتی باس داوەزین گشتییگ لەئاست تۊشهاتن و مردنەیل کۆڕۆنا وە رێژەی ٥٠% ، باوجی ئەوە نییە ک شلەو بۊیمن و دڵنیا لە مەترسی کۆڕۆنا بکەیمن و گەشەیل ڤایرۆسەگە وەگورەی نشانەیل تەندروسی جیهانی.
