خۆپیشاندانەیل گەورایگ و جادە بڕین لە زیقار
شەفەق نیوز/ پارێزگای زیقار، ئمڕوو دووشەممە، خۆپیشاندانەیل گەورایگ لە قەزایل باکووریی وەخوەی دی، بەشیگیان داوای خزمەتگوزاریی کەن و بەشیگ وە داوای لاوردن وەرپرسیگ خۆجێی.
پەیامنێر ئاژانس شەفەق نیوز وت: دەیان لە خۆپیشاندەرەکان ری بینای قایمقامیەت قەزای رفاعی لە باکوور پارێزگاگە بڕین، و ریگری لە عەمار رکابی پارێزگار نوو کردن لە دەسەوکاربوینی جوور وەڕێۆبەریگ ئیدارەیی، و ئاماژە کرد ک خۆپیشاندەرەکان تایەر سزیاگ لە هەردوگ کنار بینا حکومەتیەگە وەکار هاوردن.
وتیش: لە غەراف باکورور شار ناسریە، خۆپیشاندەرەکان ری ناوبەین شەترە و ناسریە وە تایەر سزیاگ بڕین، لە ناڕەزایەتی لەبان خراوی خزمەتگوزارییەکان، و داوا لە حکومەتە خۆجێیەگە لە پارێزگاگە کردن بڕەسنە هانای خەڵک قەزاگە و رزگاریان لە خراوی خزمەتگوزارییەکان بکەن.
لە شار ناسریە ناوەند پارێزگاگە، ژمارەیگ لە خۆپیشاندەرەیل وساننیک لە وەردەم بینای فەرمانگەی لێکۆڵینەوەیل دەسپاکی رێک خستن ئەرا دووارە وازکردنی.
چالاکوان مەدەنی عەدنان عەزیز ئەرا ئاژانس شەفەق نیوز وت: ژمارەیک لە چالاکوانەیل، ئمڕوو، وساننیک پاڵپشتی وەگەرد فەرمانگەی دەسپاکی ئەرا دووارە وازکردنی رێک خستن، و ئاماژە کرد ک شۆڕش تەشرین دژوە گەندەڵیە و پاڵپشت چاکسازی گشتگیرە، ئەراوە بەسانن فەرمانگەیل ودەسپاکی وەتایبەت، نییە بەرژەوەنی کەسیگ، و ئەوەسا ری ئەرا گەندەڵەیل و دزەیل دارایی گشتی واز کەێد، ئەرا بەد وەکارخستن رەوشەکان و جیوەجیکردن خوازینان واز کەێد.
لەلای خوەیانیش، دەیان لە فەرمانەبەرەیل گریەبەسیەکان لە فەرمانگەی تەندروسی زیقار ئەرا داوای خەرجکردن مووچەیلیان خۆپیشاندان کردن.
پەیامنێر ئاژانس شەفەق نیوز وت: دەیان لە فەرمانەبەرەیل گریەبەسیەکان لە تەندروسی زیقار خۆپیشاندانیگ رێک خستن، وە داوای خەرجکردن مووچەیلیان وەگورەی بڕیار ژمارەی ٣١٥ ئەرا ساڵ ٢٠١٩، و هەمیش چەسپاننیان لەبان مەلاک هەمیشەیی.
