حه‌شد شه‌عبى له سه‌ڵاحه‌دين: سه‌ربار جيوازكردنمان ئه‌را نه‌ينه‌وا وه‌رده‌واميم له پرووسه‌يلمان
2020-06-13T10:32:28+00:00
شه‌فه‌ق نيوز/ حه‌شد شه‌عبى ئاشكراى ويرانكردن سێ بنگه‌ى ريكخرياگ داعش كرد له خوه‌رهه‌ڵات سه‌ڵاحه‌دين و جه‌ختيش له‌وه كرد وه‌رده‌وامن له پرووسه‌يل ئه‌منييان له پاريزگاگه سه‌ربار بڕيار جيوازكردنيان ئه‌را نه‌ينه‌وا.
له‌ى باوه‌ته‌و، خزه‌ير مه‌تروحى فه‌رمانده‌ى ليواى 23 حه‌شد ئه‌را ئاژانس شه‌فه‌ق نيوز وت: هيزه‌يليگ له ليواگه له‌رێ پرووسه‌يگه‌وه تويه‌نستگه سێ بنگه‌ى ريكخرياگ داعش له ناوچه‌ى سه‌يادين له خوه‌رهه‌ڵات سه‌ڵاحه‌دين ويران بكا ك بڕيگ له‌ته‌قه‌مه‌نى و كه‌ره‌سه‌يل جوراوجوور له‌تيان بويه.
مه‌تروحى هه‌ميش وت: هيزه‌يل ليواگه وه‌رده‌وامن له پرووسه‌يل ئه‌منييان سه‌ربار ئه‌وه‌گ بريار جيوازكردن ليواگه ئه‌را نه‌ينه‌وا له‌لايه‌ن ده‌سه‌ى حه‌شده‌وه ده‌رچيه.
