"جه‌نگ جايه‌ڵه‌يل" له به‌سره كاره‌سات ئه‌را خيزانيگ دروسكرد
2020-06-14T10:39:40+00:00
شه‌فه‌ق نيوز/ سه‌رچه‌وه‌يگ ئه‌منى له قه‌زاى زوبێر له خوه‌رئاواى به‌سره، ئاشكراى ئه‌وه كرد ژنيگ خوه‌ى سزانگه دوياى كوشيان كوڕه جايه‌ڵه‌گه‌ێ له‌ئه‌نجام جه‌نگيگ له‌ناونى كه‌سه‌يل تر له نزيك ماڵه‌گه‌يان و هيزه‌يل ئه‌منييش دووان تومه‌تبار ده‌سگير كردنه.
سه‌رچه‌وه‌گه ئه‌را ئاژانس شه‌فه‌ق نيوز، وت: هاووڵاتييگ كوشياگه له‌وه‌ختيگ جه‌نگيگ به‌رپا بوێ له دويه‌شه‌و ديره وه‌ختيگ له قه‌زاى زوبێر له خوه‌رئاواى پاريزگاى به‌سره له‌ناونى هاووڵاتيه‌يل و دوياخريش ته‌قه له‌لى كه‌فته‌وه.
سه‌رچه‌وه‌گه وت: دايگ كه‌سه كوشيايه‌گه خوه‌ى سزانگه دوياى ئه‌وه‌گ ژنه‌فتگه كوڕه‌گه‌ى كوشياگه له‌و جه‌نگه ك له‌نزيك ماڵيان دروس بويه له‌ناونى كه‌سه‌يل تر.
