ته‌ندروستى ره‌سافه له به‌غدا ئاشكراى خاسه‌وبوين يه‌كه‌م تويشهاتگ وه كۆرۆنا كرد
2020-03-08T19:52:47+00:00
شه‌فه‌ق نيوز/ ده‌زگاى ته‌نردوستى به‌غدا/ رسافه، ئاشكراى ده‌رچگن يه‌كه‌م نه‌خوه‌ش تويشهاتگ وه ڤايرۆس كۆرۆناى تازه كرد دوياى خاسه‌وبوينى وه ته‌واوى له نه‌خوه‌شخانه‌ى ئبن خه‌تيب دوياى ئه‌نجامداين وشكانن ته‌ندروستى و چاره‌سه‌ركردنى.
ده‌زگاگه له به‌ياننامه‌يگ ئه‌را شه‌فه‌ق نيوز وت: وه هه‌وله‌يل فريه‌يگ له‌لايه‌ن كادره‌يل پزيشكى و ته‌ندروستى و دوياى پيشكه‌شكردن خاسترين خزمه‌تگوزارى فندقى، كه‌سيگ تويشهاتگ وه زايرۆس كۆرۆناى تازه چاره‌سه‌ر كرياگه دوياى ئه‌وه‌گ له ئيران گله‌وخوارد و له‌ئيسه‌يش نه‌خوه‌شخانه وه‌جى هيشتگه.
وه‌گووره‌ى ده‌سڵاته‌يل ته‌ندروستى، عراق 57 حاڵه‌ت وه ڤايرۆس كۆرۆنا تۆمار كردگه‌و تائيسه‌يش 5 له‌ليان مردگه، دووان له به‌غدا و يه‌كيگ له سلێمانى و يه‌كيگ له كه‌ربه‌لا و يه‌كيگيش له ميسان.
