تاوانیگ بەغدا لەرزنێد..رانندەی "توک توک" دەسدرویژی کەێده بان دوو مناڵ یەکیگیان پەنج ساڵانە
لە بیانامیگ رەسیە ئاژانس شەفەق نیوز وت، مەفرەزەیگ لە وەڕیەوبەرایەتی دژە تاوان بەغدا توەنسیە تاوانباریگ دەسگیربکەێد ک دەسدرویژی کردیە وەبان دویەت مناڵیگ پەنج ساڵان لە ناوچەی بەلەدیات لە خوەرهەڵات پایتەخت.
وەڕیەوبەرایەتیەگە راگەیان ئۆپراسیۆن دەسگیرکردنەگە ئەنجامدریا لەدویای ئەوەگ زانیاری رەسیە مەفرەزەیل نوسینگەی بەغداد جەدیدەی دژە تاوانەیل لە دەسدرویژکردن وە بان دویەت مناڵیگ وەلایەن کەسیگ نەناسریاگ ک ماتۆرسکڵیگ لە جویر توک توک وەپی بویە.
لەبەیانەگە هاتیە، وە زوی دەسەی کارکردن دروسکریا ئەرا وەدویاچگن رویداوەگە و رەسینەس و تومەتبارەگە و دەسگیری کردنە و دەسنریایە وەبان ماتۆرسکڵەگەی ک لەناو ماڵەگەی وەپی بویە لەناوچەی عوبەیدی لە بەغدا.
وتیش، لێکۆڵینەوە وەگەرد تاوانبار وەردەوامە دان وە راسی ئەوەگ نایە دەسدرویژی کردیەس وەبان مناڵیگ پەنج ساڵان، وتش لە وەخت قویلەوبوین لە لێکۆڵینەوەگە دگان نایە وە ئەنجامدان تاوانیگ دەسدرویژیترەک ک دویەت مناڵیگ لە ناوچەی عوبەیدی بردیە ئەرا ناوچەی گەرەک نەسڕ لەدویای دەسدرویژی کردنەبانی و دایەسی لێ و لە شوینیگ لەو ناوچە هیشتیەسەی جی.
لەبەیانامەگە هاتیە، لێدوانەیل سەرەتایی توومارکریانە و لەدویای بڕیاردان دادوەر لێکۆڵەر وەپای مادەی 393 لە یاسای سزادان دەسوەسەر کریەێد.
