بومب و تەقەکردن و خوەیکوشتن لە بەغداد
2023-10-06T10:51:56+00:00
شەفەق نیوز/ بەغداد پایتەخت، ئمڕوو جمعە، سێ رویداو ئەمنی وەخوەی دی، هەرلە خوەیکوشتن پیاییگ تەمەن هەفتا ساڵە، و تەقەکردن، و ئامانجکردن ماڵیگ وە بومب.
سەرچەوەیگ ئەمنی ئەرا ئاژانس شەفەق نیوز وت: پیاییگ لەتەمەن ٧١ ساڵە، خوەی لە پەنجەرەی بینای ١٠٥ شوقەی ٨٠٢ لە کۆمەڵگەی بەسمایە خستە خوار، و کەسوکارەیلی وتن گوایە بیماری دەروینی داشتیە کە وەرجەیە تواستیە خوەی بکوشێد.
لە رویداویگ ترەک، سەرچەوەگە وت: ئەندامیگ لە وەزارەت ناوخۆ تەقە لە ماڵ خوەی کرد وە چەک (جیسی) لە ناوچەی حەبیبیە خوەرھەڵات بەغداد پایتەخت، و سکاڵا لەبان دوو برای توومار کرد، ئیجا خوەی دەسگیر کریا.
هەرلیوا، سەرچەوەگە هەمیش وت: ماڵ خانمە فەرمانبەریگ لە وەزارەت زانست و تەکنەلۆجیا کەفتە وەر وەشیان بومبیگ دروسکریای وە بتوڵ شویشە و نەفت چەرمگ لەناوی بویە، ئەوەیش لەناوچەی مەهدیە لە دۆرە باشوور بەغداد پایتەخت، وەبی توومارکردن زەخمداری، و ژنەگە سکاڵا لەبان برازای خوەی توومار کرد.
