بانک ناوەندی ٩٤ مەلیۆن دۆلار فرووشێد
2021-03-22T11:05:02+00:00
شەفەق نیوز/فرووشتنەیل بانک ناوەندی عراقی لە پارەی گران، ئمڕوو دووشەممە، بەرزەوبوین وەرێژەی ٣٩ لەسەد تۆمار کرد، تا بڕەسێدە ٩٤ مەلیۆن دۆلار.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن وسەنین پارە بیگانەکان ئمڕوو، بەرزەوبوین لە فرووشتنەکانی وەڕێژەی ٣٩،١٧٪ وەخوەی دی، تا بڕەسێدە ٩٤ مەلیۆن و ٧٩٤ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد پەنجشەممەی گوزەیشتە ک فرووشتنەکانی رەسیە ٦٨ مەلیۆن و ١١٧ هەزار و ٦٠٠ دۆلار.
وتیش؛ گشت فرووشتنەکان ئەرا پاڵپشتی بنمایەکان لە دەیشت وەشیوەی هەواڵە و چەک چگن، وهیچ دۆلاریگ وە شیوەی کاش نەسەنیا.
پەیامنێرەگەمان ئاماژە کرد ک ١٤ بانک داواکاریەیل پاڵپشتی بنمایەکان لە دەیشت جیوەجی کردن.
