بانک ناوەندی عراق وە ماوەی یەک رووژ ٢٦٠ ملیۆن دۆلار ئەرا دەیشت هەواڵە کەێد

شەفەق نیوز/ فرووش هەواڵە دەرەکییەیل لە زیایکردن ئاشکرای بانک ناوەندی، ئمڕوو یەکشەممە، وەڕیژەی ٩٨% وەرانەور فرووشتن کاش زیای کردگە و رەسیەسە نزیکەی ٢٦٠ ملیۆن دۆلار.

 پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ ٢٦٤ ملیۆن و ٩٤٦ هەزار و ٥٠١ دۆلار فرووشتگە، کە وە نرخ بنەڕەتی ١ هەزار و ٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی چگە، و وە نرخ 1310 دینار ئەرا هەر دۆلاریگ وە هەواڵی دەرەکی، و وە نرخ 1,305 دینار ئەرا هەر دۆلاریگ وە کاش.

وتیش: فرەی فرووش دۆلار ئەرا قایمکردن باڵانسەیل  دەیشت وڵات بویە وەشیوەی هەواڵە و قەرز، کە بڕی 259 ملیۆن و 996 هەزار و 501 دۆلار بویە، کە وەڕیژەی 98% زیای کردگە وەرانوەر فرووش نەختینەیی 4 ملیۆن و 950 هەزار دۆلار.

 پەیامنێرمان وتیش: شمارەی ئەو بانکەیلە کە دۆلار کاش سەننە دوو بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٥ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیادکردنەگە کردنە رەسیە ٩ کۆمپانیا.