بەغداد...کوشیان ئەفسەریگ گەورە لە وەزارەت ناوخوەی وە شیوەی نادیاریگ
2024-01-03T12:30:18+00:00
شەفەق نیوز/ سەرچەوەیگ ئەمنی لە بەغدا، ئمڕوو چوارشەممە،خەوەردا لە کوشیان ئەفسەر گەورەیگ لە وەزارەت ناوخوەی لە بارودۆخ نادیاریگ لەناو ماڵەگەی گومانەیلە وەرەو لای ژنەگەی چن.
سەرچەوەیگ وە ئاژانس شەفەق نیوز وت، "خەوەر رەسی لە تاوانیگ کوشتن لەناو کۆمەڵگەی بەسمایەی نیشتەجیبوین لە باشوور خوەرهەڵات بەغدا، هەنای رەسینەس ئەرا شوقەی قوربانیەگە ئسفاکردنە زەخمدارکریایە لەناوچەی سەری".
وتیش، "قوربانیەگە ئەفسەرە وە پلەی عەمید لە پۆلیس فیدراڵی، و تەرمەگەی ئەرا پزیشک دادوەری کلکریایە و ژن و مناڵەگەی لە بنکەی پۆلیس بەسمایە دەسوەسەر کریانە".
سەرچەوەگە دیاریکرد "وەپای زانیاری سەرەتایەیل کە نەچەسپنریانە تاوانبارەگە ژنەگەیە، باوجی دۆسیەگە تا ئیسە هاژیر لێکۆڵینەوە".
