بۆرسەی عراق تا پەنج رووژ پەکی کەفێد
2021-07-17T08:51:38+00:00
شەفەق نیوز/ بازاڕ پویلەیل عراق، ئمڕوو شەممە، راگەیان پەکخستن کارەیلی تا ماوەی پەنج رووژ.
بازاڕەگە لە بەیاننامەیگ رەسیە ئاژانس شەفەق نیوز وت: لەبنەمای بڕیار ئەنجومەن وەزیران وە پشۆی فەرمی لە رووژ یەکشەممەو، دانیشتن ئاڵشتکرن پویل لە رووژ یەکشەممە ١٨ تەموز تا پەنجشەممە ٢٢ تەمووز نێکەیمن لەوەر جەژن قوربان.
وتیش؛ دویای پشۆی فەرمی و لە رووژ یەکشەممەی ئایندە دووارە دەس وەکار کەیمن.
