بەرزەوبوین نرخ دۆلار وەگەرد بەسیان بازاڕەیل بەغداد

شەفەق نیوز/ نرخ دۆلار ئەمریکی وەرانوەر دینار عراقی،  ئمڕوو دوشەممە، وەگەرد بەسیان  بۆرسەی سەرەکی بەغداد پایتەخت کەمیگ بەرزەوبوی.        

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت وەسین 148450 عراقی وەرانوەر 100 دۆلار ئەمریکی توومار کردن.

لە شەوەکی ئمڕوو 148425 عراقی وەرانوەر 100 دۆلار بوی. 

پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جیگیرە، نرخ فرووشتن رەسیە 149000 دینار عراقی وەرانوەر 100 دۆلار ئەمریکی،  و نرخ سەنینی رەسیە 148000 دینار عراقی.