بەرزەوبوین نرخ دۆلار ئەمریکی لە بەغداد و هەولێر
2023-05-04T08:29:02+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە لە بەغداد پایتەخت، رەسیە ١٤٤٢٥٠ دینار عراقی وەرانوەر ١٠٠ دۆلار ئەمریکی.
شەوەکی دویەکە چوارشەممە، نرخ ١٠٠ دۆلار ئەمریکی رەسیە ١٤٢٩٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٥٢٥٠ دینار عراقی، و نرخ سەنینی رەسیە ١٤٣٢٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەوبوین توومار کرد، ک نرخ فرووشتن ١٠٠ دۆلار ئەمریکی رەسیە ١٤٤٧٠٠ دینار عراقی، و نرخ سەنینی رەسیە ١٤٤٦٠٠ دینار عراقی.
