بەرزەوبوین نرخ دۆلار لە بەغداد و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو دوشەممە، لە بۆرسەی سەرەکی بەغداد پایتەخت و هەرێم کوردستان بەرزەوبوی .      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 148600 دینار عراقی وەرانوەر 100 دۆلار ئەمریکی. 

دویکە یەکشەممە، نرخ دۆلار رەسیە 148350 دینار عراقی وەرانوەر 100 دۆلار ئەمریکی.     

پەیامنێرمان وتیش؛ نرخ فرووشتن و سەنین لە دوکانەیل بەغداد بەرزەوبوی، ک نرخ فرووشتن رەسیە 149000 دینار عراقی وەرانوەر 100 دۆلار ئەمریکی، و نرخ سەنینی رەسیە 148000 دینار.                  

لەهەولێر پایتەخت  هەرێم کوردستانیش نرخ دۆلار بەرزەوبوین وەخوەیدی، ک نرخ فروشتن رەسیە 148600 عراقی وەراوەر 100 دۆڵار ئەمریکی، و نرخ سەنینی 148400 عراقی وەرانوەر 100 دۆلار ئەمریکی.