بەرزەوبوین نرخ دۆلار لە بەغداد و هەرێم کوردستان
2021-03-25T07:24:19+00:00
شەفەق نیوز/ ئمڕوو پەنجشەممە، نرخ دۆلار لە بۆرسەی سەرەکی بەغداد، و هەرێم کوردستان بەرزەو بوی.
پەیامنێر ئاژانس شەفەق نیوز وت: بۆرسەیل ناوەندی کیفاح و حارسیە لە بەغداد ١٤٤٥٠٠ دینار وەرانوەر ١٠٠ دۆلار ئەمریکی تۆمار کردن.
دوێەکە چوارشەممە، بۆرسەی کیفاح ناوەندی، ١٤٤٣٠٠ دینار تۆمار کرد.
پەیامنێرەگەمان ئاماژە کرد ک نرخ فرووشتن و سەنەین لە دوکانەیل ئاڵشتکردنە ناوخۆیەکان لە بەغداد بەرزەو بوی، ک نرخ فرووشتن رەسیە ١٤٥٠٠٠، و نرخ سەنین رەسیە ١٤٤٠٠٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان، نرخ دۆلار هەمیش بەرزەوبوین وەخوەی دی ک نرخ فرووشتن رەسیە ١٤٥٠٠٠ دینار، و نرخ سەنین رەسیە ١٤٤٥٠٠ دینار وەرانوەر ١٠٠ دۆلار ئەمریکی.
