بەرزەوبوین نرخ دۆلار لە بەغداد وئارامگردنی لە کوردستان

بەرزەوبوین نرخ دۆلار لە بەغداد وئارامگردنی لە کوردستان
2021-03-08T08:01:21+00:00

شەفەق نیوز/ ئمڕوو دووشەممە ٨ ئادار ٢٠٢١ ، نرخ دۆلار لە بۆڕسەی سەرەکی لە بەغداد بەرزەو بوی، ولە هەرێم کوردستان ئارام گرد.

پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٤٥٤٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە ١٤٥٣٥٠ دینار وەرانوەر ١٠٠ دۆلار تۆمار کرد.

لە پەنجشەممەی گووەیشتە، نرخ دۆلار لە بۆڕسەی کیفاح رەسیە ١٤٥٣٠٠ دینار وەرانوەر ١٠٠ دۆلار ئەمریکی.

پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد بەرزەو بوی ک نرخ فرووشتن رەسیە ١٤٦٠٠٠ دینار عراقی، ونرخ سەنین رەسیە ١٤٥٠٠٠ دینار وەرانوەر ١٠٠دۆلار ئەمریکی.

لە هەولێر پایتەخت هەرێم کوردستان نرخ دۆلار ئارامی وەخوەی دی ک نرخ فرووشتن رەسیە ١٤٥٦٠٠ دینار وەرانوەر ١٠٠ دۆلار، و سەنین بویە ١٤٥٣٠٠ دینار وەرانوەر ١٠٠ دۆلار ئەمریکی.

Shafaq Live
Shafaq Live