بەرزەوبوین کەمیگ لە دۆلار بەغداد
2021-06-26T07:43:16+00:00
شەفەق نیوز/ نرخ دۆلار، ئمڕوو پشەممە، لە بۆرسەی سەرەکی بەغداد بەرزەو بوی وەگەرد بەسانن بۆرسەی هەرێم کوردستان.
پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٧٣٧٥ دینار وەرانوەر ١٠٠ دۆلار ئەمریکی تۆمار کردن. پەنجشەممەی گوزەیشتە نرخ دۆلار لە بۆرسەی سەرەکی کیفاح رەسیە ١٤٧٢٠٠ دینار وەرانوەر ١٠٠ دۆلار.
پەیامنێرەگەمان نشان دا ک نرخەیل فرووشتن و سەنەین لە دوکانەیل ئاڵشتکردن لە بازاڕە ناوخۆیلە داوەزیا ک نرخ فرووشتن رەسیە ١٤٨٠٠٠ دینار، و نرخ سەنین رەسیە ١٤٦٧٥٠ دینار وەرانوەر ١٠٠ دۆلار ئەمریکی.
