بەرزەوبوین لە فرووشتنەیل بانک ناوەندی عراقی
شەفەق نیوز/ فرووشتنەیل بانک ناوەندی عراقی لە پارەی گران، ئمڕوو پەنجشەممە، بەرزەو بوین، تا بڕەسێدە زیاتر لە ٢٠٥ ملیۆن دۆلار ئەمریکی.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەگان ئمڕوو، بەرزەوبوینیگ لە فرووشتنەگانی وەڕێژەی ٢،٩٢٪ وەخوەی دی، تا بڕەسێدە ٢٠٥ مەلیۆن و ٤٤٥ هەزار و ٢٩٦ دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە چوارشەممە ک فرووشتنەگانی رەسیە ١٩٩ مەلیۆن و ٦١٩ هەزار دۆلار.
وتیش؛ گشت فرووشتنەگان ئەرا پاڵپشتی بنمایەگان لە دەیشت وەشیوەی هەواڵە و چەک چگن، ٩ مەلیۆن دۆلار لەلایەن بانکەیل وە شیوەی کاش سەنیا.
پەیامنێرەگەمان ئاماژە کرد ک ٢٨ بانک داواکاریەیل پاڵپشتی بنمایەگان لە دەیشت جیوەجی کردن. ، و ٩ کۆمپانیای خەرجکردن هاوبەش، و ١٠٥ کۆمپانیای تر داواکاریە کاشەکان جیوەجی کردن.
