بەرزەوبوین پلەی گەرمی و بڕیان کارەبا قەیران سوتەمەنی لە دیالە دروس کەێد
وەڕیەوبەرایەتی بەرهەمەیل نەفتی هوکارەیل قەیرانەگە دیاری نەکرد، لەوەر قەیەغەی وتار راگەیانن، وەلێ پسپۆڕەیلیگ لەی چینە وەگورەی سەرچەوەیلیگ فەرمی دووپات کردن ک هوکارەیل نەوین و بەدی وزەی کارەبا و بەسیان ئەمارەیل سوتەمەنی چوودەو ئەرا بەرزەوبوین پلەی گەرمی تا ئاگر نەگرێد وەگەرد ئەوەیش قاچاخکردن کەمیگ بویە.
رز ماشین و مەردمەگە لە وەردەم بەنزینخانەیل، قەیرانیگ لە قەرەباڵغی و پەکخستن کار مەردم لە گشت شیوەیلی دروس کرد، وە مینەی چارەسەریگ زویوەزی.
حاتەم عەبد تمیمی وت؛ قەیران سوتەمەنی لە نەڕەسینی ئەرا بەنزینخانەیل دروس بوی، ک قەیرانیگ لەلی بویەو، وتیش؛ قەرەباڵغەگە کەمکەم لە ساعەتەیل گوزەشتە سووک و بوی.
تمیمی لە قسەیلی ئەرا ئاژانس شەفەق نیوز وت: قاچاخکردن هەس وەلێ لەوەر ریکارەیل ئەمنی کەمە، باوجی هەر بەشیگە لە قەیرانەگە، و دووپات کرد ک بەرهەمەیل نەفتی باج و سزا خستە بان ئەو بەنزینخانەیلە ک وەیلسل پاپەنگ نیین.
وەگورەی ئامارەیل نەفتی، دیالە ٢٠ بەنزینخانەی حکومەتی و ٩٠ تایبەت هاناوی، و بەشەگەی رووژانە لە بەنزین رەسێدە یەک مەلیۆن و ٣٥٠ هەزار لەتر، و لە گاز رەسێدە زیاتر لە یەک مەلیۆن لەتر.
