بەرزەوبۊن نرخ دۆلار لە بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە،  لە بۆرسەی سەرەکی بەغداد پایتەخت بەرزەو بۊی.   

پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی،  شەوەکی ئمڕوو،  لە بۆرسەی سەرەکی کیفاح و حارسیە لە بەغداد رەسیە ١٤٨٢٠٠ دینار عراقی وەرانوەر ١٠٠ دۆلار ئەمریکی.  

رووژ پەنجشەممەی گوزەشتە،  نرخ دۆلار رەسیە ١٤٨١٠٠ دینار.  

پەیامنێرمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بۊی، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی،  و نرخ سەنینی رەسیە ١٤٧٧٥٠ دینار.