بەرزەوبۊن نرخ تەڵا لە بازاڕەیل عراق
2022-01-25T09:30:38+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو سێشەممە ٢٥ کانوون دۊیەم ٢٠٢١، بەرزەو بۊی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپایی لە بازاڕەیل بڕ فرووشتن لە جادەی نەهەر بەغدای پایتەخت رەسیە ٣٧٨ هەزار دینار، و نرخ سەنینی رەسیە ٣٧٤ هەزار دینار.
پەیامنێرمان وتیش: نرخ فرووشتن یەک مسقاڵ عەیار ٢١ لە تەڵای عراقی هەمیش بەرزەوبۊین وە خوەی دی لە پای ٣٤٨ هەزار دینار، و نرخ سەنینی رەسیە ٣٤٤ هەزار دینار.
لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٨٠ هەزار دینار و ٣٨٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٥٠ هەزار و ٣٥٥ هەزار دینار.
